我對2017普選的立場

1
立法會搞到如斯田地，行政立法關係長期惡劣是一個重要原因。解決方法只有普選特首，讓一個有認受性的人當特首，民選議員也不可能長期為反對而反對，和選票作對，與民為敵。

然而，我們2017是可以普選的，只是在我們選前先讓中央選過。這又能不能改善行政立法關係，讓往後施政較暢順呢﹖那要看這篩選有多嚴格。我認為把門檻降低，讓一些較溫和的民主派入閘，有助於提升認受性，改善行政立法關係。

我認為讓甚麼人入閘也不怕，就讓他嘗嘗管治香港的困難，看看現在反對政府的人有多把炮，把香港管成怎麼一個樣子 。



2
正正因為中共本質係一黨專政、專制極權、維穩、領土完整至上，已經決定咗一國同兩制水火不容，自出娘胎已經行不通。

香港已經進入咗一個死局！特首冇認受性令行政立法關係長期交惡，拉布令施政舉步維艱。要有效管治，只有普選一途。

然而，中央就算知普選可以解決問題，佢都唔放心比香港人普選，因為佢體內有著專制極權嘅DNA。

硬碰硬對香港人更加唔著數，因為對象係起國際舞台上表現強硬嘅中共， 唔係崇尚民主價值o既美國政府(人地可能唔使爭取都比你)。公民抗民聽起來大義澟言，我亦尊重佢地所做嘅，但我唔覺得呢個極權政府會讓步。

形勢比人強，最後佢乜都唔比我地又吹得佢脹咩﹖

反而，一d 小嘅妥協係有可能達到嘅。政治係妥協的藝術，尤其是大家已經冇咗信任。對住呢d 政權，感覺上軟功比硬功可行。


3
佔中可能出現兩種情況。

1. 中環被佔領了，中共很害怕，然後讓步比真普選香港人。

2. 中環被佔領了，警力不足以清場，解放軍出動清場。

點解支持佔中嘅人咁有信心第一種情況會出現﹖以中共過去強硬殘酷嘅歷史同作風，我覺得第二個情況出現機會大好多喎!

Okay，咁香港人重有乜野把炮同政治籌碼去爭取真普選。我認為重有三個籌碼可以牽制住中央, 令佢地考慮多d 野 。

第一，佔中前談判。點解三子遲遲唔發動佔中﹖因為一佔中，就等於正式wea 爛塊面，對話大門正式關上。一日未開始佔中，我地都重可以同政府談判，最大化我地嘅利益。宜家佔中三子正等緊政府評估形勢後(包括八十萬人公投、五十萬人遊行)嘅回應, 先決定下一步點。

第二，中共講面子，如果佢搞唔掂香港人，令香港亂龍，會比國際社會恥笑佢連內部事務都搞唔掂，令中央起國際上威信大減 。因為佢成日話外國干預佢內部事務, 但佢就偏偏搞唔掂香港 。為了面子, 佢地會諗辦法阻止佔中發生，包括在政改上作一點讓步。

第三，如果中共搞唔掂香港人，證明一國兩制行唔通，對岸民進黨必定在下屆選舉火速上位，和平統一又行遠多一步了。

第一步非常關鍵, 三子必須在佔中前爭取最大利益, 逼政府交一個最大讓步嘅方案。 

如果佔中最後發生了, 就係香港玩完嘅時候, 因為第二同第三點對中央已經唔再產生牽制作用, 佢亦都唔使再同你談判, 因為香港人已經選擇咗一條兩敗俱傷, 玉石俱焚嘅路 。